ശ്രീ പട്ടിചിറകാവ് ഭഗവതി ക്ഷേത്രത്തിന്റെ ചരിത്രം

പണ്ട്, പ്രപഞ്ചത്തിന്റെ ലീലാവിലാസങ്ങൾ അറിയുവാനും, ഭൂമിയിലെ ചരാചരങ്ങളുടെയും (ജീവജാലങ്ങൾ, പക്ഷികൾ, മൃഗങ്ങൾ, മനുഷ്യർ) ക്ഷേമം നിരീക്ഷിക്കുവാനുമായി ദിവ്യശക്തിയുടെ അത്യുന്നത ഭാവങ്ങളായ പഞ്ചമാതാക്കൾ - ശ്രീ ബഗളാമുഖി, ശ്രീ ധൂമാവതി, ശ്രീ ചിന്നമസ്താ, ശ്രീ ഭൈരവി, ശ്രീ മഹാതാരിണി - എന്നിവർ ഭൂതലത്തിലേക്ക് എഴുന്നള്ളി.

കാലത്തിന്റെ സഞ്ചാരത്തിൽ ക്ഷീണിതരായ ആ അഞ്ചു ഭഗവതിമാർ ഒരിടത്ത് വിശ്രമം കൊള്ളവേ, അവരുടെ കൂട്ടത്തിൽ ശ്രീ ഭൈരവിക്ക് മുന്നിൽ ഒരു കാഴ്ച തെളിഞ്ഞു. വയലിൽ കഠിനാധ്വാനം ചെയ്യുന്ന പുലയ സമുദായത്തിൽ പെട്ട ഒരു കുടിയിലെ കാർണോർ, നാലും കൂട്ടി മുറുക്കി ആസനസ്ഥനായിരിക്കുന്ന ചിത്രം. ഭൈരവിയുടെ മനസ്സിൽ മുറുക്കാൻ സേവിക്കാനുള്ള ദിവ്യമായ കൗതുകം ഉണർന്നു. ഭഗവതി ആ കാർണോരിൽ നിന്നും മുറുക്കാൻ വാങ്ങി സേവിച്ചു.

മാതാക്കളുടെ ഈ വൈകാരികമായ അകൽച്ചയിൽ ദുഃഖിതയായ ശ്രീ ഭൈരവി, അവരിൽ നിന്നും വിട്ടുമാറി സഞ്ചരിച്ചു. അങ്ങനെ ഒറ്റപ്പെട്ട ആ ഭഗവതിയുടെ ദൃഷ്ടി പതിഞ്ഞത് ദൂരെ രണ്ടാമത്തെ വിളക്ക് തെളിഞ്ഞു കാണപ്പെട്ടിരുന്ന പേങ്ങോട്ട് തറവാടിന്റെ മാളിക മുകളിലേക്കാണ്. ആ ദിവ്യജ്യോതിസ്സ് അവിടെ ചെന്ന് കുടിയിരുന്ന് അദൃശ്യയായി വാണു.

അക്കാലയളവിൽ പേങ്ങോട്ട് തറവാട് സമ്പൽ സമൃദ്ധിയിലും ഐശ്വര്യത്തിലും അഭൂതപൂർവ്വമായ ഉന്നതിയിലും വിളങ്ങി. എന്നാൽ, ഇല്ലത്തെ കാരണവർക്ക് ദേവിയുടെ ദിവ്യമായ ചൈതന്യം തിരിച്ചറിയാൻ സാധിച്ചിരുന്നില്ല. ദേവീസാന്നിധ്യം അറിയിക്കുവാനായി പലതരം ദിവ്യലക്ഷണങ്ങൾ (ലക്ഷണം) കണ്ടെങ്കിലും, ഭൗതിക ചിന്തകളിൽ മുഴുകിയ അവർക്കത് ഗ്രഹിക്കാൻ കഴിഞ്ഞില്ല. ഒടുവിൽ, ഇല്ലത്തെ വെളുത്ത കോഴി ഒരു കറുത്ത മുട്ട ഇടുക എന്ന അവിശ്വസനീയമായ സംഭവം അരങ്ങേറി.

ദേവിയുടെ മുഖ്യ ആരാധനാമൂർത്തിയായി, ദേവിയുടെ വലതുഭാഗത്ത് കരിംചാത്തൻ മൂർത്തിയും, ഇടതുഭാഗത്ത് മംഗളരൂപിയായ ഉമാസുതൻ വിനായകനും, പുറകുവശത്തോട് ചേർന്ന് ബ്രഹ്മരക്ഷസ്സും നാഗദേവീദേവന്മാരും ഭക്തർക്ക് അനുഗ്രഹം ചൊരിഞ്ഞുകൊണ്ട് സ്ഥിതിചെയ്യുന്നു.

ഈ പുണ്യസന്നിധിയിൽ, പൂർവ്വാഹ്നത്തിൽ (രാവിലെ) ശ്രീ ഭൈരവിയെയും ഭൈരവീ പൂജാവിധിവിധാനങ്ങളും, സായനത്തിൽ (വൈകുന്നേരം) ഭൈരവനെയും ആരാധിച്ചു വരുന്നു. കാരുണ്യരൂപിയും പ്രജകളെ രക്ഷിക്കുന്നവനുമായ കരിംചാത്തനെ ദോഷമുക്തിക്കും കാര്യസാധ്യത്തിനും വേണ്ടി ഭക്തർ പൂജിക്കുന്നു.